Аяқкиімге бес сомдық монетаны тығып қою. Емтихан алдында бас жумау. Терезеден басын шығарып, есеп кітапшасымен бұлғау және айқайлау: «Тегін, кел!». Әрбір студент емтиханда жақсы баға алуға көмектеседі дейтін осындай стандартты емес тәсілдерді атай алады.
Әрине, барлық уақыттағы студенттер үшін дәстүрге айналған осы халықтық әдістерді елемеуге болмайды. Бірақ олармен ғана шектелу - сессияны «өте жақсыға» тапсырғысы келетін студент үшін жақсы идея емес. Сіз төменде оларды орындай отырып, емтихандарға сәтті дайындала алатын кеңестерді таба аласыз.
Сұрақтар мен ақпаратты құрылымдаңыз
Емтиханда немесе сынақта қойылатын барлық сұрақтар тізімін қарап шығыңыз. Олардан бір тақырыпқа жататындарын таңдаңыз. Тақырып бойынша ең жалпы сұрақтың жауабын саналы түрде жаттап алыңыз - оны бірден бірнеше сұрақтар үшін қолдана аласыз.
Ақпаратты жақсы және жылдам есте сақтау үшін, оны көрнекі түрде елестетуге тырысыңыз. Мысалы, ойлар картасы түрінде (mind map). Және, ең бастысы – жай ғана жаттап алып қана қоймай, материалды түсіну екенін естен шығармаңыз.
«Үш күндік монах» болмаңыз
«Үш күндік монах» синдромы адам қандай-да бір кәсіппен құлшыныспен шұғылдануды бастай отырып, оны соңына дейін жеткізбейтіндігімен сипатталады.
Студенттер бұл синдромның әсеріне өте оңай түседі: олар барлық емтихан сұрақтарын мұқият оқи бастайды, бірақ жартысына да жетпей, бұл сабақты тастайды. Бұл тұзаққа түспеу үшін, өзіңізге нақты жоспар құрыңыз, әр сұрақты есте сақтауға белгілі бір уақыт бөліңіз, оқу тапсырмаларын аптаның әрбір күндеріне бөліңіз.
Жасалған оқу кестесінен ауытқымаңыз, тәртіп – сессияны сәтті тапсырудың негізгі құамдас бөлігі екенін ұмытпаңыз.
Бірақ күн барысында үзіліс жасау керек екенін де ұмытпаңыз, әйтпесе дайындық процесі өнімділікке қарсы қызметке айналуы мүмкін.
Есте сақтаудың барынша оңтайлы әдісін таңдаңыз
Біреудің көру арқылы есте сақтау қабілеті жақсы дамыған – мұндай адамдарға мәтінді айтып шығу үшін оны бір-екі рет оқпып шығу жеткілікті. Кейбіреулер ақпаратты есту арқылы жақсы қабылдайды. Ал біреулерге, есте сақтау үшін – жазу қажет.
Сізді сізден жақсы ешкім білмейді. Ақпаратты есте сақтаудың қай әдісі сізге қолайлы болатынын ойлаңыз. Мұны анықтағаннан кейін, сіз не істеу керектігін түсінесіз — оқу материалын оқу керек пе (жылдам оқу техникасын үйренуге болады — бұл үшін көптеген мобильді қосымшалар бар), емтихан сұрақтарына жауаптарды жазып алу немесе аудио оқулықтарды тыңдау керек пе (егер сіз қандай да бір тақырып бойынша ондайларды таба алмасаңыз - қажетті ақпаратты диктофонға жазып алыңыз).
Емтиханға дайындық кезінде сіз әлеуметтік желілерге кірудің қажеті жоқ. Бұл бес минутты екі сағатқа оңай айналдыратын тұңғиық. Алайда, егер сіз Интернеттен оқуда пайдалы болатын ақпаратты тапқыңыз келсе, осы тыйымнан ерекше жағдай жасауға болады. Сізге қажет оқу пәніне арналған YouTube білім беру арналары мен «ВКонтакте» тақырыптық топтарына назар аударыңыз.
«Ұжымдық ақыл-ойды» қолданыңыз
Емтиханға жалғыз емес, курстастармен бірге дайындалыңыз. Бұл тиімдірек және көңілдірек. Дайындық процесін өзіндік ойынға айналдырыңыз - емтихан сұрақтары бар карталар дайындаңыз, содан кейін кездейсоқ карточкалардың бірін алып, сұраққа жауап беріңіз. Бұл емтиханға дайындық болады, оның барысында сіз және сіздің курстастарыңыз оқу ақпаратымен бөлісе аласыздар және бір-біріңіздің жауаптарыңызды толықтыра аласыздар.
Қажетті минимуммен шектелмеңіз
Егер сіз оқытушының дәрістерін қайталап айтып қана қоймай, жауаптарыңызға қызықты фактілер немесе теориялар түрінде қосымша ақпарат қоссаңыз, сұрақ тақырыбы бойынша зерттеу жүргізген танымал адамдар туралы айтсаңыз, кез-келген оқытушы риза болады. Бұл емтихан алушыға мәтінді «белгі қою» үшін ғана емес, пәнге шынымен қызығушылық танытатындығыңызды көрсетеді.
Дұрыс тамақтаныңыз
Мидың белсенділігін арттыратын белгілі бір тағамдарды жеңіз. Мысалы, брокколи, грек жаңғағы, шпинат, сұлы жармасы және т. б. Оларды өзіңіздің тағам мөлшеріңізге батыл қосуыңызға болады.
Одан басқа, сіз ойлау процестерін жеделдететін, есте сақтау қабілетін жақсартатын және ақыл-ой қабілетіңізге тиімді әсер ететін препаратты таңдай аласыз.
Емтиханға жақсы көңіл-күйді ала баруды ұмытпаңыз
Өзіңнің алдында позитивті көңіл-күйдегі студентті көру әрқашан жағымды. Күлкімен қаруланыңыз және барлығын жеке алатыныңызға сенімді екеніңізді қайталаңыз!
Сізге сессияны сәтті тапсыруыңызға тілектеспіз!
