Өзін-өзі оқшаулаумен байланысты қауіп-қатерлерді қалай азайтуға болады

Бұл жылғы көктем мезгілі ерекше әдемі және күн шуақты болып келді, сондықтан көгалдандырылған көшелер мен саябақтарда серуендемей,  үйде отыру одан сайын көңілсіз болады. Табиғат адам баласынан демалып, өзін тамашалауға шақырып, құлпыруда. Сонымен қатар, қоғам үйде отыру қажеттілігіне қаншалықты жауапкершілікпен қараса, эпидемиологиялық және медициналық қызметтер алдында тұрған міндеттерді соғұрлым сәтті орындай алады. Дәл осы адамдар барлық әлемді жайлаған жаңа инфекциямен күресуде алдыңғы шепте жүрген адамдар, ал біздің міндетіміз оларға көмектесу. Сіздің денсаулығыңыз үшін жаңа қауіптерді төмендетуге көмектесетін сіздің күнделікті тәртібіңіз бойынша қиын емес ережелерді сақтай отырып өзіңізге қамқор болыңыз:

1. Үйге арналған шағын мини-тренажерларды сатып алыңыз (эспандер, степпер, фитбол, гантель). Бұл тауарларға деген қажеттілік қазіргі күні бірінші орынға шығып отыр. Егер бар болса, мүмкіндігінше балконда жаттығу жасауға тырысыңыз. Жұмыс уақыты кезінде физкультминут  жасап, үзіліс жасаңыз.
2. Тамақ қабылдау режімін 5-6 ретке бөліңіз, тамақ мөлшерін жұдырығыңыздың көлеміне тең етіп алыңыз. Тәтті тағамдардан бас тартыңыз немесе олардың мөлшерін минимумға жеткізіңіз. Егер тәттіден бас тарта алмасаңыз, қантты балмен, тәтті нандарды кепкен жемістермен алмастырыңыз. Көбірек көкөністерді, жемістерді, жасұнықты, суға піскен тағамдарды пайдаланыңыз. Қақталған, қуырылған, майлы тағамдардан, нан өнімдері мен газдалған сусындардан бас тартыңыз.
3. Интернет желісінен өзіңізде демалу гимнастикасын таңдаңыз. Бұл тек қана гипоксия деңгейін төмендетіп қана қоймай, метаболизмді жақсартып, барлық жүйке жүйесіне оң әсерін тигізіп, күйзелісті азайтады. Егер сіз аса қтиын демалу техникаларын игермеген болсаңыз, Стрельникованың классикалық демалу гимнастикасы бойынша роликтерді қараңыз.
4. Теледидарды минимум деңгейге жеткізіңіз. Қабылданатын ақпаратты сараптаңыз, сізді қорқытып, үрейлендіретін ақпараттарды болдырмаңыз. Жеңіл әрі позитивті контентті таңдаңыз. Ақпаратты қабылдап, бірақ сол ақпаратта қалып қоюды болдырмаңыз. Ақпараттық ағымды реттеп, оған реакцияңызды басқарыңыз. Жақындарыңызға дәл осылай істеуге көмектесіңіз.
5. Сіз үшін жаңа белгілерді жазып алыңыз – қашықтықтан кеңес өткізу қажеттілігі, жұмыс уақыты шектерінің жоғалуы, жұмыс ауқымының көбеюі немесе оның болмауы, қарым-қатынастың, қозғалыстың жетіспеушілігі – және қарама-қарсы шешіміңізді жазыңыз. Мысалы, сіз, өзіңізге қажетті, дезадаптизацияны болдырмауға мүмкіндік беретін, өзіңіздің жұмыс шегін, физикалық жаттығулар мен демалысыңызды, ұйықтау мен сергектік уақыттарын белгілеуіңізге болады. Жұмыс жоспарын келесі күнге жоспарлап жазыңыз.
6. Бір уақытта ұйықтап, бір уақытта тұруға дағдыланыңыз, бұл тиімді жұмыс уақытының жылжуына әкелетініне қарамастан. 23-24 сағаттан кем емес уақытта жатуға тырысыңыз. Осы қысқа уақыт аралығында бөлініп шығатын мелатонин қазіргі уақытта сіз үшін өте қажетті.